Qyrǵyzstanda jelilik marketıngke adamdar tartqan Qazaqstan azamatshasy tutqyndaldy
ASTANA. QazAqparat - Qazaqstan azamatshasy Qyrǵyzstanda zańsyz kásipkerlikpen aınalysqany úshin tutqyndaldy, dep habarlaıdy KABAR .
Qyrǵyzstan Bas prokýratýrasynyń baspasóz qyzmeti habarlaǵandaı, «Masal Gold» kompanııasy respýblıkadaǵy quzyretti organdarǵa tirkelmesten, 2017 jyldyń 20 aqpanynan bastap Batken oblysynyń aýmaǵynda zańsyz áreket jasaǵan.
«Bul kompanııanyń qyzmeti mynadan turady: árbir azamat kompanııanyń marketıngtik júıesine kirý úshin 2000 som tólep, bonýstar alyp jáne ekinshi kezeńge ótý úshin sońynan 14 azamatty kirgizý qajet. Óz kezeginde kompanııaǵa kirgen árbir adam tıisinshe 2 myń som tólep, osylaısha 700 myń somǵa qol jetkizý úshin 5 kezeńnen ótýi qajet. Sondaı-aq, bul somany alý úshin 4 myń 96 adam jalpy somasy 16 382 000 som bolatyn aqshalaı qarjy salýy tıis. Qazirgi tańda «Masal Gold» kompanııasyna Batken oblysy boıynsha 68 adam tirkelgen», - dep túsindirdi baspasóz qyzmetinde.
Jedel-tergeý is-sharalaryn ótkizý barysynda S.G. esimdi Qazaqstan Respýblıkasynyń azamatshasy kúdikti retinde ustalyp, Qadamjaı aýdandyq ІІB Ýaqytsha qamaý oqshaýlaǵyshyna qamaldy. Tergeý barysynda anyqtalǵandaı, «Masal Gold» kompanııasy respýblıkanyń birneshe qalalary men aýdandarynda zańsyz kásipkerlikpen aınalysqan.
