Qyrǵyzstanda jekemenshik mektepter salyqtan bosatylmaq
BІShKEK. QazAqparat - Mektep jetispeýshilik problemasyn sheshý úshin Qyrǵyzstan parlamentarııi jańa jekemenshik mektepter salýdy yntalandyrý maqsatynda memlekettik emes bilim berý sektoryn salyq salýdan bosatýdy usyndy, dep habarlady Bishkekte «QazAqparat» HAA menshikti tilshisi.
«Parlamentte jekemenshiktegi mektepterdi salyqtan bosatýdy kózdeıtin zań jobasy qaralýda. Salyq aýyrtpalyǵynan bosatý maqsaty - jańa mekepter salýdy yntalandyrý», - dedi Jogorký Keneshtiń depýtaty Abdyvahap Nurbaev.
Ol memleket qazirgi ýaqytta mektep jetispeýshiligi problemasyn sheshe almaıtynyn atap ótti.
«Olar tabys salyǵyn tóleıdi jáne Áleýmettik qorǵa aýdarady. Alaıda biz jańa nysan salýdy yntalandyrǵymyz keledi. Óıtkeni memlekettiń qajetti sanǵa jetkizip, mektep salýǵa múmkindigi joq. Memlekettik mektepter toly. Synyptarda 40 baladan oqıdy. Úlgerimdilik jaıynda ne aıtýǵa bolady? Jekemenshik bilim berý mekemelerin damytýǵa múmkindik berý qajet», - dep atap ótti Nurbaev.
