Qyrǵyzstanda jappaı tártipsizdikti uıymdastyrýshylar jazalanady - qaýipsizdik komıteti
BiShKEK. Kabar - QazAqparat – Qyrǵyzstanda jappaı tártipsizdikterdi uıymdastyrmaq bolǵandar keıin zań aıasynda jazalanady. Qyrǵyzstannyń Ulttyq qaýipsizdik memlekettik komıteti osylaı málim etti, dep habarlaıdy QazAqparat Kabar agenttigine silteme jasap.
Qyrǵyzstannyń Ulttyq qaýipsizdik memlekettik komıtetine kelip túsken jedel aqparatta jekelegen kúshter óziniń saıası maqsattaryna qol jetkizý úshin eldiń beıbit azamattarynyń densaýlyǵy men ómirine qaýip tóndire otyryp atys qarýyn paıdalanyp aýqymdy jappaı tártipsizdikti uıymdastyrmaq bolǵany kórsetilgen.
Osyǵan baılanysty eldiń UQMK jáne ІІM jeke quramy kúsheıtilgen qyzmet túrine aýystyryldy, zańsyzdyqty tirkeý, aldyn alý jáne jolyn kesý, jappaı tártipsizdikti oqshaýlaý jáne olardyń uıymdastyrýshylaryn ustaý maqsatynda vedomstvoaralyq jedel shtab quryldy.
Qyrǵyzstannyń UQMK eldegi qoǵamdyq-saıası jaǵdaıdy tez arada turaqtandyrýǵa múddeli taraptarǵa jappaı tártipsizdik uıymdastyrýǵa jáne respýblıkadaǵy kúrdeli jaǵdaıdy turaqsyzdandyrýǵa nıet bildirgen adamdardy anyqtaýǵa baǵyttalǵan ulttyq qaýipsizdik organdary qabyldaǵan sharalardy kúsheıtý týraly jetkizý qajet dep sanaıdy.
Qolda bar derekter qazirgi kezde ártúrli mıtıngilerdi uıymdastyrý saldary aýyr jaǵdaıǵa jetkizýi múmkindigin kórsetedi. Osyndaı áreketterge qoldanystaǵy zańnamada uzaq merzimge bas bostandyǵynan aıyrý túrindegi qylmystyq jaýapkershilik qarastyrylǵan.
