Qyrǵyzstanda janýarlardyń keıbir túrlerin aýlaýǵa tyıym salyndy
BІShKEK. QazAqparat – Qyrǵyzstannyń Ystyqkól jáne Naryn oblystarynda 2023 jyldyń 1 shildesinen bastap Marko Polo tuqymdy qoı, taý eshki, elik, qaban jáne ular aýlaýǵa úsh jylǵa tyıym salyndy, dep habarlaıdy QazAqparat tilshisi Qyrǵyzstan Respýblıkasynyń Tabıǵı resýrstar, ekologııa jáne tehnıkalyq qadaǵalaý mınıstrligine silteme jasap.
Janýarlardyń jekelegen túrlerin aýlaýǵa shekteýler janýarlar dúnıesin saqtaý, ósimin molaıtý, sondaı-aq eldiń bıologııalyq ártúrliligin qorǵaý maqsatynda engizildi.
Qyrǵyzstan Úkimetiniń 2017 jylǵy 12 sáýirdegi qaýlysyna sáıkes, atalǵan janýarlardy arnaıy paıdalanýǵa shekteýler eldiń ártúrli aımaqtarynda saralanǵan túrde qoldanylady. 2017 jylǵy 1 shildeden 2020 jylǵy 1 shildege deıin olar Talas jáne Jalal-Abad oblystaryna, Shý oblysynyń Alamýdýn, Sokýlýk, Jaıyl jáne Kemın aýdandaryna qatysty, 2020 jylǵy 1 shildeden 2023 jylǵy 1 shildege deıin Osh jáne Batken oblystarynda, Shý, Ysyk-Atın, Máskeý jáne Panfılov aýdandarynda jaramdy.
Vedomstvo azamattarǵa eldiń tabıǵatty qorǵaý zańnamasyn saqtaý qajettigin eskertedi.
Foto: pavlodarnews.kz.
