Qyrǵyzstanda janarmaı 2-2,5 somǵa arzandaıdy
ASTANA. QazAqparat - Aqpan aıynda Qyrǵyzstandaǵy janar-jaǵarmaı quny 2-2,5 somǵa arzandaıdy dep kútilýde. Bul týraly Qyrǵyzstan úkimeti apparatynyń aqparatpen qamtamasyz etý bólimi habarlady.
Bólimniń málimetterinshe, mınıstrler kabınetinde janar-jaǵarmaı naryǵyndaǵy jaǵdaı men tranzıtke arnalǵan sáıkestendirilgen temirjol tarıfteriniń yqpaly talqylandy. Qazaqstan arqyly taýar tasymaldaýǵa arnalǵan sáıkestendirilgen temirjol tarıfterin qoldanýdan eldegi janarmaı baǵasy tómendep jatyr. Aqpan aıynda janar-jaǵarmaı jańa munaı ónimderi kelgennen keıin arzandaıdy.
«Esepterge sáıkes, munaı ónimderin Reseıden Qyrǵyzstanǵa tasymaldaý shyǵyndary tonnasyna 48 dollardan 45 dollarǵa deıin (munaı óńdeý zaýyty men shekaranyń qashyqtyǵyna baılanysty) azaıdy», - dep habarlady úkimet apparatynyń ekonomıka jáne ınvestıtsııalar bóliminiń meńgerýshisi Nıkolaı Chýıkov.
Ol sońǵy úsh aıda reseılik janar-jaǵarmaı naryǵynda munaı óńdeý zaýyttaryna degen kóterme-bosatý baǵasy toqtaýsyz óskenin atap ótti, bul jergilikti naryqtaǵy baǵalardyń ósýine yqpal etti. Sonyń saldarynan 2016 jyldyń qazan aıynan 2017 jyldyń qańtar aıyna deıin janar-jaǵarmaı baǵasy 10 paıyzdan 18 paıyzǵa deıin ósken. Sonymen qatar, otandyq naryqtaǵy bólshek baǵasy ortasha alǵanda 11 paıyzǵa deıin kóterildi. Qańtar aıynda janarmaı jetkizý kólemi de, olardyń kóterme baǵasynyń bólshek baǵaǵa yqpaly da óte tómen bolady.
