Qyrǵyzstanda janar-jaǵarmaı qymbattaıdy dep kútilýde
BІShKEK. 28 sáýir. QazAqparat /Arnur Rahymbekov/ - Qyrǵyzstanda dızeldik otynnyń baǵasy jaqynda reseılik baǵamen teńesedi.
Bishkekte ótken baspasóz máslıhatynda Qyrǵyzstan munaı treıderleri qaýymdastyǵynyń tóraǵasy Jumaqadyr Ákeneev osylaı málim etti.
Qyrǵyzstanǵa janar-jaǵarmaıdyń negizgi jetkizilimshisi bolyp tabylatyn Reseıdegi otyn daǵdarysy kórshi respýblıkadaǵy jaǵdaıdy qıyndatyp otyr. «Reseıde janar-jaǵarmaıdyń jaǵdaıy qıyn, ásirese onyń jıyrma óńirinde. Altaı ólkesinde otynnyń joqtyǵynan maı quıý stansalary tipten jumyssyz tur. Bizdegi baǵa Reseıdegiden 6-7 somǵa arzandaý. Bizdegi baǵanyń jetkizýshi eldegi baǵadan arzan bolýy múmkin emes jaǵdaı. Sondyqtan da bizdegi baǵa da sózsiz kóteriledi. Biraq biz baǵany múmkindiginshe keshirek kóterýge tyrysamyz», - deıdi Jumaqadyr Ákeneev.
Munaı treıderleri qaýymdastyǵynyń deregi boıynsha, búginde Qyrǵyzstanda tómendegi baǵalar tirkelgen: Batkende dızeldiń otynnyń baǵasy 42 som/lıtrdi qurasa, Osh jáne Jalalabad oblystarynda - 38-39 som/lıtrdi, Talas jáne Shý oblystarynda - 31-32 som/lıtrdi shamalaıdy.
