Qyrǵyzstanda janar-jaǵar maı tapshylyǵy baıqalýda
BІShKEK. 19 shilde. QazAqparat /Arnur Rahymbekov/ - Qyrǵyzstanda janar-jaǵar maıdyń tapshylyǵyna qatysty qıyn jaǵdaı baıqalýda.
Bishkek qalasynyń janarmaı beketterinde A-92, A-96 markaly benzınder lımıttelgen kólemmen - 10 lıtr benzınnen ǵana satylyp jatyr. Onyń ústine benzın men dızel otyny 10-15 paıyzǵa qymbattaǵan.
Eldegi sarapshylardyń pikirinshe, jergilikti naryqqa jetkiziletin ónimniń 90 paıyzdan astamyna ıe reseılik óndirýshilerdiń janar-jaǵar maıdy jetkizýdi toqtatýyna baılanysty osyndaı jaǵdaı qalyptasyp otyr.
Qyrǵyzstan Úkimeti habarlaǵandaı, el premer-mınıstri Almazbek Atambaev Reseı úkimetine jaǵdaıdy retteý máselesi boıynsha tıisti hat jibergen.
