Qyrǵyzstanda jańa oppozıtsııalyq birlestik tanystyryldy - UOQ
BІShKEK. QazAqparat - Qyrǵyzstanda Ulttyq oppozıtsııalyq qozǵalys - UOQ quryldy. Ony tanystyrý búgin Bishkekte oppozıtsııalyq partııalar men qozǵalystardyń forýmynda boldy.
UOQ kóshbasshysy bolyp Qyrǵyz parlamentiniń depýtaty Ravshan Jeenbekov saılandy. Ol UOQ quramyna aımaqtar men ártúrli saıası partııalar ókilderi engenin habarlady. Forýmda sóılegen oppozıtsııa kóshbasshylary elde 2005 jáne 2010 jyldardaǵy eki tóńkeristiń jetistikterin joǵaltý qaýpi paıda bolǵanyna alańdaýshylyq bildirdi.
UOQ bılikpen jergilikti ókimet organdarynyń rólin arttyrýǵa, demokratııany nyǵaıtýǵa baǵyttalǵan dıalog júrgizbek. UOQ belsendileri mıtıngiler men basqa da saıası aktsııalardy qoldaıtyndyǵyn joqqa shyǵarmady, degenmen ýkraındyq «Maıdan» sııaqty kúrestiń radıkaldyq ádisterine Qyrǵyzstanda jol berilmeıtinin málimdedi.
