Qyrǵyzstanda ýtılalym engizilip jatyr
BІShKEK. QazAqparat – Qyrǵyzstanda ýtılızatsııalyq alym engizilip jatyr. Memleket basshysy «Óndiris pen tutyný qaldyǵy týraly» Qyrǵyz Respýblıkasynyń Zańyna qol qoıdy, dep habarlaıdy QazAqparat menshikti tilshisi Qyrǵyzstan Respýblıkasy Prezıdentiniń baspasóz qyzmetine silteme jasap.
Zańǵa sáıkes, memlekettik organdar, jergilikti memlekettik ákimshilikter men jergilikti ózin-ózi basqarý organdary, zańdy jáne jeke tulǵalar, sonyń ishinde jeke kásipkerler qaldyqtarǵa menshik quqyǵyn alýǵa jáne odan bas tartýǵa quqyǵy bar.
Sondaı-aq, qaldyqtardy óndirýshilerge ne olar ýákilettik bergen zańdy tulǵalarǵa nemese qaldyqtarmen jumys isteýdi júzege asyratyn dara kásipkerlerge qaldyqtardyń túrleri boıynsha bólinýin qamtamasyz etý jónindegi talaptar kózdelgen.
Qaldyqtardy qaıta óńdeý obektileri Qyrǵyzstan Mınıstrler kabıneti belgilegen tártippen arnaıy tizilimde tirkeletin bolady.
Zańda ýtılızatsııalyq alymynyń qarajatyn tóleý jáne jumsaý tártibi kózdeledi.
Qaıta óńdeý normatıvterin oryndaýdy qamtamasyz etý úshin zańdy nemese jeke tulǵalar, jeke kásipkerler birlestik (qaýymdastyq) qura alady.
Qaldyqtardy ornalastyrý kezinde qorshaǵan ortaǵa zııan keltirgeni úshin qaldyqtardyń kólemin, qaýiptilik klasyn jáne ornalastyrý normatıvterin eskere otyryp, aqy alý belgilendi. Alynǵan qarajat respýblıkalyq bıýdjetke baǵyttalady.
