Qyrǵyzstanda urylar kúzet kompanııasynan 20 qarýdy urlap ketti
ASTANA. QazAqparat - Bishkekte urylar «Alfa-sekıýrıtı» kúzet agenttiginiń qoımasyn tonap ketti, dep habarlaıdy AKIpress .
Oqıǵa 27 sáýirde bolǵan. Sol kúni tańerteń jumysqa kelgen qyzmetkerler qoımanyń terezesi ashyq qalǵanyn baıqaǵan. Belgisiz bireýler ǵımarattan 20 qarýdy alyp ketken.
Ádilet mınıstrliginiń málimetinshe kompanııa basshysy Aıbek Abylov eldegi «Qyrǵyzstan» partııasynyń quryltaıshysy bolyp shyqty.
Bishkek qalalyq ІІB qylmystyń tirkelgendigin rastady. Sondaı-aq tártip saqshylary kúdiktilerdi izdestirý jáne qolǵa túsirý sharalarymen aınalysyp jatqanyn málim etti.
