Qyrǵyzstanda Úkimet basshysy men onyń orynbasarlary maska taqpaǵany úshin aıyppul tóleıdi
BІShKEK. Kabar - QazAqparat – Bishkektiń bas sanıtar dárigeri Kýban Kýndashev pandemııa kezinde sanıtarlyq talaptardy saqtamaǵan Qyrǵyzstan Respýblıkasy úkimeti apparatynyń qyzmetkerlerine aıyppul saldy, dep habarlaıdy QazAqparat Kabar agenttigine silteme jasap.
Quqyq buzý týraly kodekstiń 150-baby «Qoǵamdyq densaýlyq saqtaý salasyndaǵy tehnıkalyq reglamentterdiń, sanıtarııalyq erejelerdiń, gıgıenalyq normatıvterdiń jáne ózge de normatıvtik quqyqtyq aktilerdiń talaptaryn buzý» boıynsha mınıstrler kabınetiniń basshylyǵyna, hatshylyq jáne Qyrǵyzstan Respýblıkasy úkimeti apparaty qyzmetkerlerine 5 myń somnan aıyppul salyndy.
Budan buryn áleýmettik jelilerde Úkimet úıiniń aldynda túsirilgen sýret paıda bolǵan edi. Onda Qyrǵyzstannyń premer-mınıstri Kýbatbek Boronov, úkimettiń burynǵy basshysy Mýhammedkalyı Ablgazıev, vıtse-premer-mınıstrler, sondaı-aq Qyrǵyzstan úkimeti apparatynyń qyzmetkerleri kórsetilgen.
Olardyń barlyǵy medıtsınalyq maska taqpaǵan.
Keıinirek Qyrǵyzstan prezıdenti Sooronbaı Jeenbekov Qaýipsizdik keńesiniń otyrysynda úkimet múshelerinen maska rejımin buzǵany úshin aıyppul tóleýin talap etken.
