Qyrǵyzstanda túıneme aýrýynyń oshaǵyn joıý jónindegi jedel shtab quryldy
BІShKEK. QazAqparat - Qyrǵyzstannyń Qaraqulja aýdanynda túıneme aýrýynyń oshaǵyn joıý jónindegi jedel shtab quryldy, dep habarlaıdy «QazAqparat» HAA «Kabar» agenttigine silteme jasap.
Qyrǵyz Respýblıkasy Densaýlyq saqtaý mınıstrliginiń málimdeýinshe, qazir ol jerde sanıtarııalyq-profılaktıkalyq sharalar júrgizilip jatyr.
Eske sala keteıik, keshe Osh oblysynyń Qaraqulja aýdanynda túıneme aýrýyn juqtyrdy degen kúdikpen 12 adam aýrýhanaǵa jatqyzylǵan bolatyn.
Aldyn ala málimetterge qaraǵanda, aýrýhanaǵa jatqyzylǵandardyń bári sibir jarasymen aýyrǵan maldy soıyp, artynsha bóliske salǵan.
Mınıstrlik ókilderiniń aıtýynsha, naýqastarda túınemeniń teridegi aýrý formasy baıqala bastaǵan.
