Qyrǵyzstanda túrmeden qashqan ekstremıst ony ustaý kezinde óltirildi
BІShKEK. QazAqparat - Qyrǵyzstanda túrmeden qashqan ekstremısterdiń biri - Azamat Músirálıev búgin ustaý kezinde atylyp óltirildi.
QR ІІM-niń baspasóz qyzmetiniń habarlaýynsha, qylmysker Sovýlýk aýdany aýyldarynyń birindegi qoı qorada jasyrynǵan. Ony ustaý is-qımyldary 20 qazannyń tańynda júrgizildi. Ustaý kezinde ol qarsylyq tanytyp, aqyry atylyp óltirildi.
QR ІІM-nen A.Músirálıevtiń SIZO-50 bas bostandyǵynan aıyrý ornynan qashyp ketken tórt sottalýshynyń biri, sondaı-aq dástúrli emes ıslamdy jaqtaýshy jáne tyıym salynǵan «Jaıshýl Mahdı» partııasynyń belsendi múshesi bolǵan.
Eske sala keteıik, aǵymdaǵy jyldyń 12 qazanynda SIZO №50 bas bostandyǵynan aıyrý ornynan 9 sottalýshy qashyp ketken. Sonyń beseýi ustalyp, taǵy tórteýi jasyrynyp úlgergen. 16 qazan kúni qylmyskerlerdiń biri arnaıy is-qımyldardyń barysynda óltirildi. Taǵy eki ekstremısti izdeý jumystary júrgizilýde.
Qyrǵyzstan ІІM izdeýdegi ekstremısterdiń ornalasqan jeri týraly málimetter úshin 1 mıllıon som (shamamen 14,5 myń dollar) aqshalaı syıaqysyn beretinin jarııalady.
