Qyrǵyzstanda turaqqa durys qoıylmaǵan kólikterdi evakýatsııalaý týraly zań qabyldandy
BІShKEK. QazAqparat - Qyrǵyzstan prezıdenti Almazbek Atambaev ruqsat etilmegen jerlerde turaqqa qoıylǵan kólik quraldaryn evakýatsııalaýǵa ruqsat beretin zańǵa qol qoıdy. Bul týraly búgin Qyrǵyz memleketi basshysynyń baspasóz qyzmetinen habarlady.
Zań jobasy jol qozǵalysy qaýipsizdigin qamtamasyz etý, kóshe-jol jelisiniń ótkizýshi qabiletin arttyrý, tártipti nyǵa ıtý jáne QR-dyń ákimshilik jaýapkershilik týraly kodeksindegi kemshilikterdi joıýǵa baǵyttalǵan. Oǵan jańa 568-bap (kólik quralyn májbúrli evakýatsııalaý) engizilip otyr.
Bishkek qalalyq ІІB patrýldik polıtsııa basqarmasy ókilderiniń aıtýynsha, qalada qyzmet etetin evakýatorlardyń sany men oǵan qandaı fırma tartylatyny týraly sońǵy sheshim áli qabyldanbaǵan.
Zań resmı jarııalanǵan kúninen on kún ótken soń kúshine enedi.
