Qyrǵyzstanda topyraq kóshkini júrip, 18 úıdiń turǵyndary evakýatsııalandy
BІShKEK. KABAR- QazAqparat – Qyrǵyzstannyń Osh oblysy Ózgen aýdanynda kóshki júrip, shamamen 1 mln tekshe metr topyraq tústi, dep habarlaıdy QazAqparat Kabar-ǵa silteme jasap.
Qyrǵyzstan Tótenshe jaǵdaılar mınıstrliginiń málimetinshe, kóshkin júrgen jerden 300 metr qashyqtyqta ornalasqan 18 úıdiń turǵyndary evakýatsııalandy.
«Ózgen aýdandyq Qoǵamdyq qaýipsizdik qyzmeti dabyl qaǵyp, aldyn alý sharalaryn júrgizip jatyr», - delingen habarlamada.
Topyraq kóshkini qaýpi 2017 jyldyń kókteminen týyndap keledi. Eldiń TJM Monıtorıng jáne boljaý departamentiniń qyzmetkerleri 2022 jyldyń 5 qyrkúıeginde 18 úıdiń turǵyndaryn qaýipsizdik maqsatynda kóshirý týraly sheshim shyǵarǵan bolatyn.
