Qyrǵyzstanda TMD MPAA sessııasynda jastar parlamentiniń damýy talqylanady

ASTANA. QazAqparat - Sholpan Atada (Qyrǵyz Respýblıkasy) TMD qatysýshy-memleketteri Jastar parlamentaralyq assambleıasynyń (TMD MPAA) toǵyzynshy sessııasy alǵash ret kóshpeli otyrys túrinde ótip jatyr, dep habarlaıdy «QazAqparat» HAA tilshisi.

TMD MPAA otyrysyn Sholpan Atada ótkizý týraly sheshim 2016 jyldyń qarasha aıynda TMD PAA Keńesiniń músheleriniń «Dostastyq balalary» TMD qatysýshy-memleketterdiń tórtinshi mádenı-bilim berý forýmy aıasynda qabyldandy.

2017 jyly TMD qatysýshy-memleketteri Jastar parlamentaralyq assambleıasynyń tóraǵalyǵyn Qyzǵyzstan Respýblıkasy atqarady. Otyrysyn aıasynda Qazaqstan Respýblıkasy Parlamenti Májilisiniń depýtaty Baqtııar Maken TMD MPAA Úılestirýshi ókilettigin Qyrǵyzstan Respýblıkasy jastar parlamenti delegatsııasynyń ókilderine tapsyratyn bolady.

Sondaı-aq TMD MPAA-nyń 2017 jyldyń ekinshi jarty jyldyǵynyń jumys josparyn, sonyń ishinde TMD-daǵy Otbasy jylyna arnalǵan TMD MPAA kúzgi sessııasyn Sankt-Peterbýrgte ótkizý máselesi talqylanady.