Qyrǵyzstanda «terrorıst» qazaqstandyqtyń esimi jarııalandy
ASTANA. 18 qyrkúıek. QazAqparat - Keshe Qazaqstan Cyrtqy ister mınıstrligi Qyrǵyzstanda terrorızm aıyby boıynsha ustalǵan Qazaqstan azamatynyń aty-jónin jarııalady.
Mınıstrliktiń habarlaýynsha, ustalǵan azamat - 25 jastaǵy Sergeı Anatolevıch Leskevıch. Ol Qyrǵyzstannyń Shý oblysy, Toqmaq qalasynda týǵan.
"Qazir Qazaqstan men Qyrǵyzstan quqyq qorǵaý organdary birigip osy iske qatysty tergeý jumystaryn júrgizip jatyr" dep habarlady mınıstrliktiń aqparat quraldaryna taratqan málimdemesine silteme jasap Azattyqtyń tilshileri.
Qyrkúıektiń 16-si kúni Qyrǵyzstannyń ulttyq qaýipsizdik komıteti tamyz aıynyń sońynda elde "terrorıstik aktiler jasamaq bolǵan" birneshe azamat ustalǵanyn, olardyń arasynda Qazaqstan azamaty baryn málimdegen bolatyn. Biraq "tergeýge baılanysty" olardyń esimderi atalmaǵan edi. Qyrǵyzstan ulttyq qaýipsizdik komıteti olardy "Sırııadan Qyrǵyzstanǵa terrorıstik-dıversııalyq aktsııalardy iske asyrý maqsatymen jiberilgen top" dep ataǵan.
Qyrǵyzstannyń arnaıy qyzmet ókilderiniń aıtýynsha, bul azamattar "Islam jıhady odaǵy" uıymyna múshe bolǵan. Olar Shanhaı yntymaqtastyǵy uıymynyń Bishkektegi sammıti qarsańynda Osh oblysynda qolǵa túsken.
