Qyrǵyzstanda temir synyqtary men qara metall qaldyqtaryn eksporttaýǵa tyıym salyndy

BІShKEK. QazAqparat – Qyrǵyzstanda qaıta balqytýǵa arnalǵan temir synyqtary, qara metall qaldyqtary men qara metaldyń quımalaryn Eýrazııalyq ekonomıkalyq odaq aýmaǵynan tys jerge eksporttaýǵa ýaqytsha tyıym salyndy.

Bul týraly «QazAqparat» HAA tilshisi Qyrǵyz Respýblıkasy Mınıstrler kabınetiniń qaýlysyna silteme jasap habarlaıdy.

Qujatta Qyrǵyz Respýblıkasynyń Ekonomıka jáne kommertsııa mınıstrligine shekteý engizilgeni týraly belgilengen merzimde Dúnıejúzilik saýda uıymy men Eýrazııalyq ekonomıkalyq komıssııany jáne TMD Atqarýshy komıteti – QR Syrtqy ister mınıstrligin habardar etý qajettigi aıtylǵan.

Bul rette QR Qarjy mınıstrliginiń Memlekettik keden komıtetine jáne MUQK-niń Shekara qyzmetine zańsyz taýardyń shekaradan shyǵarylýyna tosqaýyl qoıý úshin tıisti sharalardy qolǵa alý qajettigi tapsyryldy.

Eksportqa ýaqytsha 6 aıǵa deıin engizilgen.