Qyrǵyzstanda temeki shegýge tyıym salatyn jańa belgi paıda bolady

BІShKEK. QazAqparat - Qyrǵyzstannyń qoǵamdyq oryndarynda temeki men nıkotın shegýge (tutynýǵa) tyıym salatyn jańa belgi paıda bolady, dep habarlaıdy QazAqparat Qyrǵyzstan Respýblıkasynyń Densaýlyq saqtaý mınıstrligine silteme jasap.

Tolyq tyıym salýdy bildiretin qyzyl sheńberde temeki, temeki qyzdyrylatyn ónimder, nıkotın (onyń ishinde elektrondy temeki), kalıandy jetkizýdiń elektrondy júıeleri beınelenip, ústinen syzyqpen ótken.

Qyrǵyz Respýblıkasynyń zańnamasyna sáıkes bul belgi temeki men nıkotın shegýge tyıym salynǵan aýmaq, ǵımarattar, sonyń ishinde memlekettik organdar men ózin ózi basqarý organdary, bilim berý uıymdary, qoǵamdyq tamaqtaný oryndary, basqa da obektilerdegi árbir kireberiste ornatylady.