Qyrǵyzstanda teledıdar kórgish túlki paıda boldy
ASTANA. QazAqparat - Jalal-Abad oblysynyń Togýz-Toro aýdany Dódómól aýylyndaǵy telemunara qyzmetkeriniń úıine jabaıy túlki kelip teledıdar kórip júr, dep habarlaıdy Turmush.
Bul týraly telemunara jumysshylarynyń biri Chyńǵyz Ábikeev málim etken. Onyń sózinshe, teledıdar kórgish túlki ótken jyly qysta kún saıyn kelip júrip, keıin joǵalyp ketken.
«Túlkige Alısa dep at qoıdyq. Ol úıge kirip tamaqtanyp alǵan soń teledıdardy qyzyqtaıtyn. Ańshylar qurǵan qaqpanǵa túsip qalyp aıaǵyn jaralap alǵan bolýy kerek, biraz ýaqyt joǵalyp keti. Bıyl qaıtadan kelip júr. Úıge terezeden kiredi. Biz oǵan tamaq beremiz. Sosyn ádettegideı teledıdar kórip otyrady da ketip qalady», - deıdi Ch.Ábikeev.
