Qyrǵyzstanda taý kóshkini ózendi bógep tastady
ASTANA. QazAqparat - Qyrǵyzstan Respýblıkasy TJM basshysy Nurbolot Mırzahmedov tótenshe jaǵdaıǵa baılanysty Jalal-Abad oblysy Sozaq aýdanyna bardy, dep habarlaıdy «Kabar» agenttigi vedomstvonyń baspasóz qyzmetine silteme jasap.
2018 jyldyń 29 sáýirinde 09:30-da Qurmanbek aıyldy aımaǵy Sary-Bulaq aýylynda Kók-Art ózeniniń sol jaǵynda kólemi 1,5 mln tekshe metr bolatyn taý kóshkini júrdi. Sonyń saldarynan uzyndyǵy 320 m, eni 25 m, bıiktigi 6 m, kólemi 48 myń tekshe metr bolatyn syrǵymanyń bir bóligi Kók-Art ózenin bógegen. Osyǵan baılanysty atalmysh óńirde tótenshe jaǵdaı jarııalandy.
29 sáýirde Azamattyq qorǵanys jónindegi komıssııa tabıǵat apatynyń ornyn tekserdi. Tótenshe jaǵdaı bolǵan jerde shtab uıymdastyrylyp, qaýipti ýchaskede turatyn halyqqa túsindirý jumystary júrgizildi. vıdeo
