Qyrǵyzstanda Talǵat Bıgeldınovti eske alý sharasy ótti

BІShKEK. QazAqparat - Bishkek qalasynda Ekinshi dúnıejúzilik soǵystaǵy jeńistiń 78 jyldyǵy qarsańynda eki márte Keńes Odaǵynyń Batyry Talǵat Bıgeldınov pen soǵysta qaza tapqandardy eske alý sharasy ótti, dep habarlaıdy QazAqparat tilshisi.

Qazaqstannyń Qyrǵyzstan Respýblıkasyndaǵy Elshiliginiń qyzmetkerleri men olardyń otbasy músheleri, Qyrǵyzstan halqy assambleıasy men Qyrǵyzstandaǵy qazaqtar qaýymdastyǵynyń ókilderi qazaqtyń aty ańyzǵa aınalǵan ushqyshy Talǵat Bıgeldınovtiń músinine gúl shoqtaryn qoıyp, Ekinshi dúnıejúzilik soǵysqa qatysýshylarǵa taǵzym etti.

Belgili ushqyshtyń balalyq jáne jastyq shaǵy Bishkek qalasynda ótti. Talǵat Bıgeldınov 16 jasynda Bishkektegi aeroklýbqa oqýǵa tústi. 1940 jyly Qyzyl Armııa qataryna alynyp, áýeli Balashov atyndaǵy Áskerı avıatsııa ýchılışesine oqýǵa túsip, odan Chkalov áskerı avıatsııa ýchılışesine aýystyryldy, ony 1942 jyly bitirdi.

Alǵashqy Keńes Odaǵynyń Batyry ataǵy aǵa leıtenant T.Bıgeldınovke 1944 jyldyń qazan aıynda maıdanda jáne tyldaǵy erligi men jaýyngerlik sheberligi úshin, sondaı-aq áýe shaıqastarynda jaýdyń tórt ushaǵyn jeke ózi atyp túsirgeni úshin berildi.
1945 jyly 27 maýsymda eskadrılıany sheber basqarǵany jáne Krakov, Oppeln, Katovıtse, Breslaý jáne Berlınde jaý áskeri men tehnıkasyn jınaqtaýǵa qarsy shabýyl kezinde kórsetken jaýyngerlik erligi úshin Talǵat Bıgeldınovke ekinshi ret Keńes Odaǵynyń Batyry ataǵy berildi.