Qyrǵyzstanda taǵy 12 dáriger koronavırýs juqtyrdy
BІShKEK. KABAR – QazAqparat – Qyrǵyzstanda COVID-19 koronavırýs ınfektsııasyn juqtyrǵan taǵy 41 jańa jaǵdaı tirkeldi, olardyń 12-si – medıtsına qyzmetkerleri. Bul týraly eldiń Densaýlyq saqtaý mınıstriniń orynbasary Mademın Karataev málim etti, dep habarlaıdy QazAqparat KABAR agenttigine silteme jasap.
Onyń aıtýynsha, Bishkek qalasynan 8 dáriger, Naryn oblysynan 1, Osh oblysynan 3 dáriger vırýs juqtyrǵan. Elde COVID-19 vırýsyn juqtyrǵan dárigerlerdiń jalpy sany 51 adamǵa jetti.
Qyrǵyzstanda búgin tańerteńgi málimet boıynsha COVID-19 koronavırýs ınfektsııasyn juqtyrǵan 339 jaǵdaı tirkelgen. Bes adam vırýstan kóz jumǵan.
