Qyrǵyzstanda shyńǵa Vladımır Pýtınniń esimi berildi
ASTANA. 14 naýryz. QazAqparat - Qyrǵyzstan Prezıdenti Roza Otynbaeva Qyrǵyz taýlarynyń birine «Vladımır Pýtın shyńy» geografııalyq ataýyn berý týraly zańǵa qol qoıdy, dep habarlady Ýtro.rý agenttigi.
Endi Reseı premeriniń esimin buryn ataýsyz bolyp kelgen Shý oblysynyń Máskeý aýdanyndaǵy Qyrǵyz jotasynyń shyńy resmı túrde ıelenetin boldy. Vladımır Pýtın shyńynyń bıiktigi 4446 metr. Zańǵa 11 naýryzda qol qoıylǵan bolatyn, alaıda Qyrǵyz Prezıdentiniń saıtynda búgin jarııalandy.
Buǵan deıin Qyrǵyzstandaǵy taǵy bir shyńǵa Reseıdiń eks-prezıdenti Borıs Eltsınniń esimi berilgen bolatyn. Bıiiktigi 3,5 myń metrlik Eltsın shyńy 2002 jyly Ystyqkól oblysynda paıda boldy.
