Qyrǵyzstanda sheteldikterdi bes kúndik mindetti tirkeý alynyp tastaldy
BІShKEK. QazAqparat - 19 jeltoqsanda Qyrǵyzstan Premer-Mınıstri Sooronbaı Jeenbekov 92 memlekettiń, sonyń ishinde qazaqstandyq azamattardyń 28-60 kúnge deıin Qyrǵyzstanda tirkeýsiz júrýine ruqsat etetin úkimet qaýlysyna qol qoıdy, dep habarlady «QazAqparat» HAA Bishkektegi menshikti tilshisi.
Endi jańa qaýlyǵa sáıkes, Qyrǵyzstanǵa týrıst esebinde barǵan qazaqstandyqtar 30 kún ishinde kóshi-qon organdarynyń tirkeýinen ótýi tıis.
Eske sala ketsek, 2016 jyly 4 qarashada kórshiles Qyrǵyzstanda sheteldikterdi bes kún ishinde mindetti tirkeý týraly zań kúshine endi. Bul Qyrǵyzstan týrıstik operatorlarynyń narazylyǵyn týdyryp, respýblıkadaǵy qysqy týrıstik maýsymnyń quldyraý qaýpi týyndady. Keıinirek, Qyrǵyzstan SІM, Memlekettik tirkeý qyzmeti jáne Ádilet mınıstrligi ókilderinen quralǵan mekemearalyq top birneshe memlekettiń azamattaryn tirkeý sharttaryn ońtaılandyrý týraly qaýly jobasyn ázirledi.
