Qyrǵyzstanda sheteldik valıýtamen kredıt berýge tyıym salynady
BІShKEK. QazAqparat - 28 aqpannan bastap Qyrǵystanda kommertsııalyq bankter men basqa da qarjy mekemelerine ıpotekalyq jáne tutynýshylyq kredıtterdi sheteldik valıýtamen berýge salynǵan tyıym kúshine enedi. Bul týraly Qyrǵyz Respýblıkasy Ulttyq banki baspasóz qyzmeti habarlady.
«2016 jylǵy 10 aqpanda Ulttyq bank basqarmasy kommertsııalyq jáne basqa da qarjy-kredıttik mekemeler úshin jeke tulǵalarǵa sheteldik valıýtamen ıpotekalyq jáne tutynýshylyq kredıtter berýge tyıymǵa qatysty ózgeristerdi bekitti. Qaýly 28 aqpannan bastap kúshine enedi», - dep habarlady Ulttyq bank.
