Qyrǵyzstanda shetel valıýtasyn zańsyz aıyrbastaýǵa baqylaý kúsheıtildi
Reseı men Qazaqstanda kapıtal eksportyna eleýli shekteýler engizilgennen keıin elde qolma-qol shetel valıýtasyna suranystyń artýy rettelmeıtin valıýta naryqtarynyń paıda bolýyna qolaıly jaǵdaı týǵyzdy. Internette kóptegen Telegram arnalary paıda bola bastady, onda múddeli tulǵalarǵa shetel valıýtasynyń bar-joǵy nemese ony satyp alǵysy keletini týraly habarlanady.
Shetel valıýtasymen lıtsenzııalanbaǵan qyzmettiń jolyn kesý maqsatynda Qyrǵyz Respýblıkasynyń Ulttyq banki ishki ister organdarymen jáne salyq qyzmetimen birlesip, lıtsenzııasyz qolma-qol shetel valıýtasyn aıyrbastaýmen aınalysatyn tulǵalardy anyqtaý maqsatynda turaqty túrde reıd júrgizedi.
2022 jyldyń basynan beri 11 reıdtik tekserý júrgizilip, 10 jeke tulǵaǵa 175 myń som (shamamen 2100 AQSh dollary) kóleminde ákimshilik aıyppul salyndy. Aıyrbastaý operatsııalaryn usynatyn Telegram arnalaryn zertteý nátıjeleri boıynsha quqyq qorǵaý organdary tıisti sharalardy qolǵa alatyn bolady.
Qyrǵyzstan zańnamasy bank operatsııalaryn, sonyń ishinde shetel valıýtasymen aıyrbastaý operatsııalaryn lıtsenzııasyz júzege asyrǵany úshin jeke tulǵalarǵa 17 myń 500 som (shamamen 210 dollar), zańdy tulǵalarǵa 55 myń som (660 dollardan astam) mólsherinde aıyppul salýdy qarastyrady.
QR Ulttyq Bankiniń málimdemesine sáıkes, qazirgi ýaqytta valıýta naryǵyndaǵy jaǵdaı turaqty, eldiń kommertsııalyq bankteri olardy shetelden ákelý arqyly qolma-qol AQSh dollarynyń qajetti kólemimen qamtamasyz etý boıynsha belsendi jumys júrgizýde.
Buǵan deıin habarlaǵanymyzdaı, álemdik oqıǵalar aıasynda eldiń ishki valıýta naryǵynda qolma-qol AQSh dollary tapshylyǵy oryn aldy. Qyrǵyzstandyqtar dollardy aıyrbastaý pýnktterinde de, kommertsııalyq bankterde de satyp alý máselesine tap boldy.
Foto: nbkr.kg