Qyrǵyzstanda sheneýnik para retinde alǵan 9,5 myń dollardy órtep jibergen
ASTANA. QazAqparat - Qyrǵyzstanda memlekettik qorshaǵan ortany qorǵaý jáne orman sharýashylyǵy agenttiginiń sheneýnigi para retinde alǵan 9,5 myń dollardy órtep jibergen.
Respýblıkanyń ІІM baspasóz qyzmeti habarlaǵandaı, sheneýnik aqshany respýblıka aýmaǵynda 5 Marko Polo qoıyn, 8 sibirlik taý eshkisin atýǵa ruqsat bergeni úshin alǵan.
«ІІM Uıymdasqan qylmyspen kúres basqarmasynyń qyzmetkerleri astanalyq prokýratýra qyzmetkerlerimen birlesip taǵy janýarlardy atqany úshin para almaqshy bolǵany jaıly aqparat alady», dep habarlady baspasóz qyzmetinen.
$9,5 myń dollar kólemindegi para bóligi tıisti úlgide belgi soǵylyp, sheneýnikke beriledi.
«Jaısyz jaǵdaıdy ishi sezgen para alýshy quqyq qorǵaý organdary qyzmetkerleriniń kóz aldynda esikti jaýyp alady, dep jalǵastyrdy mınıstrlik baspasóz qyzmetinen. - Quqyq qorǵaý qyzmetkerleriniń tórtinshi qabattaǵy páterge balkon arqyly kirýlerine týra keldi. Bul ýaqytta kúdikti alǵan aqshasynyń barlyǵyn jaǵyp jiberip, mılıtsııa ókilderin kúldiń janynda kútip otyrǵan. Sondyqtan da para alǵan faktini dáleldeý qıynǵa soǵýda».
Alaıda tintý jumystary júrgizildi, tekserý barysynda Kalashnıkov avtomatynyń oqtary, 39 myń dollar, 10 myń eýro jáne janýarlardy atýǵa ruqsat beretin blankiler tabyldy.
