Qyrǵyzstanda selden 6 adam qaza tapty, taǵy eki bala izdestirilip jatyr
AQSYI. Kabar-QazAqparat – 12 shilde kúni saǵat 18:00 shamasynda Aqsyı aýdanynda nóser jańbyr saldarynan eki úıdiń aýlasy men Jany-Jol aýylyndaǵy jaıylymǵa aparatyn ishki jol sý astynda qaldy, dep habarlaıdy QazAqparat Kabar agenttigine silteme jasap.
TJM habarlaǵandaı, Aq-Jol aýylynda, Jolborstý aýylynda joldar men kópirler búlingen.
Tashtaq aýylynda eki balany aǵyn sý aǵyzyp ketti.
Jalpy, sel tasqyny 8 adamnyń ómirin qıdy, onyń 6-aýy tabyldy.
Qalǵandaryn (eki balany) izdeý jumysy jalǵasyp jatyr.
Búgin izdestirý jumystaryna Qyrǵyz Respýblıkasynyń TJM 20 qutqarýshysy, Aqsyı aýdanynan 6 qutqarýshy, 7 mılıtsııa qyzmetkeri jáne 40 jergilikti turǵyn tartyldy.
Aqsyı aýdanynda mılıtsııa qyzmetkerleri turǵyndarǵa sel tasqynynyń saldarlaryn joıýǵa jáne qoǵamdyq tártipti qamtamasyz etýge kómektesýde.
Mılıtsııanyń málimetinshe, 2021 jylǵy 12 shildede saǵat 19:00-de Aqsyı aýdany Іshki ister organyna jergilikti turǵyndardan nóser jańbyr saldarynan Jany-Jol men Aq-Jol aýyldyq okrýgterin qosatyn Tańdy-Bulaq jaıylymyn topan sý basqany týraly habar kelip túsken. Sel tasqyny 8 adamnyń ómirin qıdy.
