Qyrǵyzstanda saılaýaldy naýqan bastaldy
ASTANA. Qyrkúıektiń 10-y. QazAqparat - Qyrǵyzstanda búgin saılaýaldy naýqan resmı bastalady, dep habarlady «Azattyq» radıosy. Parlament saılaýǵa 1 aı merzim qaldy.
Respýblıka parlamentindegi 120 orynǵa 29 saıası birlestik talasyp otyr. Olardyń qatarynda Qyrǵyzstannyń ýaqytsha úkimet músheleri jetekshilik etetin partııalar jáne oppozıtsııalyq kúshter bar.
Qyrǵyzstan Prezıdenti Roza Otynbaeva, eger saılaýaldy naýqan eldiń tutastyǵyna qaýip tóndiretin bolsa, Qyrǵyzstanda tótenshe jaǵdaılar engizilýi, al saılaýǵa daıyndyq - toqtatylýy múmkin ekenin naýqanǵa qatysýshylarǵa eskertti.
Jańa konstıtýtsııaǵa sáıkes, Qyrǵyzstan parlamenttik respýblıkaǵa aınalmaq.
