Qyrǵyzstanda saılaý kezinde qaýipsizdik kúsheıedi
ASTANA. QazAqparat - Prezıdent saılaýy kezinde jaǵdaıdy turaqsyzdandyrýǵa baǵyttalǵan kez-kelgen áreketter qatań jazalanatyn bolady. Bul týraly qaýipsizdik keńesiniń otyrysynda Qyrǵyzstan prezıdenti Almazbek Atambaev málim etti, dep habarlaıdy Kabar.
Atambaev saılaý aldyndaǵy úgit-nasıhat kezeńderi men prezıdent saılaýy kúni qoǵamdyq tártip pen qaýipsizdikti qamtamasyz etý úshin quqyq qorǵaý organdarynyń barlyq qajetti sharalardy qabyldaýy kerektigin basa aıtty.
Qyrǵyz eliniń basshysy Úkimetke saılaýshylardyń turaqtylyq jáne qaýipsizdik jaǵdaıynda óz erikterimen daýys berý quqyǵyn qamtamasyz etýdi tapsyrdy.
