Qyrǵyzstanda saıası qýǵyn-súrgin qurbandaryn eske alý kúnin atap ótýde
BІShKEK. QazAqparat - Búgin Qyrǵyzstanda saıası qýǵyn-súrgin qurbandaryn eske alý kúnin atap ótýde, dep habarlady Bishkektegi «Qazaqparat» HAA menshikti tilshisi.
Muraǵat derekterine sáıkes 30-shy jyldardyń ekinshi jartysynda Qyrǵyzstanda birneshe on myńdaǵan adam qýǵyn-súrginge ushyrady. Memlekettiń óz halqyna qarsy qylmysynyń bir ǵana qujatpen rastalǵan orny belgili, ol jalpy halyqtyq qasirettiń qaıǵyly nyshany - Shý oblysy Chon-Tash aýylyndaǵy «Ata-Beııt» qýǵyn-súrgin qurbandaryna arnalǵan memorıaldyq keshen. Ol jerde halyq jaýy dep tanylǵan, sotsyz, tergeýsiz atylǵan 19 ulttyq ókilinen quralǵan 137 qyrǵyzstandyqtyń denesi jerlengen.
Búgin Qyrǵyzstan prezıdenti Almazbek Atambaev saıası qýǵyn-súrgin qurbandaryn eske alý kúnine oraı sóz sóıledi.
«Qurmetti qyrǵyzstandyqtar! Jyl saıyn 8 qarashada biz sizdermen saıası qýǵyn-súrgin qurbandaryn eske alý kúnin atap ótemiz. Biz olardyń rýhyna basymyzdy ıe otyryp, el keleshegi úshin olardyń aldynda tarıhı jaýapkershiligimizdi sezinemiz! Qýǵyn-súrgin qurbandaryna qurmet bildire otyryp, biz olar tańdaǵan ádildik pen bostandyq qundylyqtary memleket saıasatynyń basty baǵyty bolyp qala beretinin de úlken senimmen aıta alamyz», - dedi Atambaev.
