Qyrǵyzstanda sáýirdiń 9-y men 10-y Aza tutý kúnderi dep jarııalandy
ASTANA. Sáýirdiń 9-y. QazAqparat - Sáýirdiń 6-7-si kúnderi bolǵan oqıǵalar barysynda qaza bolǵandardy eske alý maqsatynda Qyrǵyzstanda sáýirdiń 9-y men 10-y Aza tutý kúnderi dep jarııalandy.
Bul kúnderi jalaýlar túsirilip, respýblıka boıynsha aza tutý is-sharalary ótedi, dep habarlaıdy «Eho Moskvy» radıostansasy ýaqytsha úkimettiń tóraıymy Roza Otýnbaevanyń habarlamasyna silteme jasap.
Sońǵy málimetter boıynsha, Qyrǵyzstandaǵy tártipsizdikter kezinde 75 adam qaza bolǵan, 1 myńnan astam zardap shekken. Jergilikti agenttikterdiń habarlaýynsha, R.Otýnbaeva qaza bolǵandar men zardap shekkenderdiń otbasylaryna materıaldyq kómek berýge ýáde etken.
