Qyrǵyzstanda sáýirdiń 10-y Aza tutý kúni dep jarııalandy
ASTANA. Sáýirdiń 9-y. QazAqparat - Qyrǵyzstanda senbi, sáýirdiń 10-y qaza bolǵandardy Ulttyq aza tutý kúni bolyp jarııalandy, dep habarlady «KABAR» agenttigi. Bul týraly tıisti qaýlyǵa eldiń ýaqytsha úkimetiniń basshysy R.Otynbaeva qol qoıdy.
Belgili bolǵandaı, tártipsizdikter kezinde jáne úkimettik kúshtermen sherýshilerdiń qaqtyǵysynda 75 adam qaza boldy, myńnan astam adam ártúrli dárejedegi dene jaraqattaryn aldy.
Juma kúni tártipsizdikter kezinde qaza bolǵan úsh adam jerlendi.
