Qyrǵyzstanda salmaǵy 7 keli alyp náreste dúnıege keldi
ASTANA. QazAqparat - Jalalabadta salmaǵy 7 kelilik náreste dúnıege keldi. Bul týraly KırTAG-qa Jalalabad oblystyq klınıkalyq aýrýhanasy statsıonarynyń meńgerýshisi mindetin atqarýshy Marjan Sultanova habarlaǵan.
«18 tamyzda 19:00-de perzenthanaǵa 33 jastaǵy Aısalqyn Pazylbaeva tústi. Kelesi kúni tańǵy 7-de ol kesar tiligi jolymen salmaǵy 7 keli er balany dúnıege ákeldi. Qazir anasynyń jaǵdaıy qalypty, búgin olar jansaqtaý bóliminen palataǵa aýystyryldy. Bala da anasymen birge palatada», - dep habarlady Sultanova.
