Qyrǵyzstanda referendýmnyń resmı nátıjeleri jarııalandy
BІShKEK. Shildeniń 2-si. QazAqparat /Evgenıı Novıkov/ - Búgin Qyrǵyzstanda respýblıkanyń jańa Konstıtýtsııasyn qabyldaý boıynsha ótkizilgen referendýmnyń qorytyndylary resmı túrde jarııalandy.
Negizgi zańnyń jańa redaktsııasy úshin 1 777 339 adam daýys bergen, bul jalpy saılaýshylardyń 90,55%-yn quraıdy. 158 373 adam (8,07%) «joq» dep jaýap bergen. Al 1,38% bıýlletender jaramsyz dep tanyldy (27 092 adamnyń jaýaby).
Qyrǵyzstan Respýblıkasy Ortalyq saılaý komıtetiniń basshysy Aqylbek Sárıevtyń aıtýynsha, resmı málimetter «Erkın Too» gazetinde jarııalandy. Bul Konstıtýtsııanyń zańdy kúshine engenin bildiredi.
Sonymen qatar, Roza Otynbaeva 2011 jylǵy jeltoqsannyń 31-ine deıingi ótpeli kezeńde Qyrǵyzstannyń Prezıdenti bolyp bekitildi.
