Qyrǵyzstanda prezıdenttik saılaý merziminen buryn ótýi múmkin - Qarın

ASTANA. QazAqparat -  Qyrǵyzstanda prezıdenttik saılaý merziminen buryn ótýi múmkin. Bul týraly Qazaqstannyń strategııalyq zertteýler ınstıtýtynyń dırektory Erlan Qarın málim etti, dep habarlaıdy QazAqparat.

«2017 jyl Ortalyq Azııa elderine saılaý naýqanynyń jańa tsıkli enedi. Aqpanda Túrkimenstanda, jyldyń ekinshi jartysynda Qyrǵyzstanda prezıdenttik saılaý ótetindigi kútilýde. Qyrǵyzstanǵa qatysty sarapshylar prezıdenttik saılaýdyń merziminen buryn ótýi múmkin ekendigin de joqqa shyǵarmaıdy. Bul saılaýlardyń bir birinen aıyrmashylyǵy bolady», - dedi QISI dırektory.

Onyń atapa ótýinshe, Túrkimenstandaǵy prezıdenttik saılaýǵa elde tirkelgen úsh saıası partııa atynan kandıdattar qatysatyn bolady.

«Bul Túrkimenstan úshin saıası ómirde jańashyldyq sanalady. Bul eldegi saılaýdyń nátıjesin boljaýǵa bolatyn bolsa, al Qyrǵyzstandaǵy saılaý naýqanyn boljaý múmkin emes. Óıtkeni, qazirgi prezıdent Almazbek Atambaev ekinshi merzimge saılanbaıtyndyǵyn, bul onyń sońǵy merzimi ekendigin, murager de daıyndamaıtynyn málimdegen bolatyn», - dedi ol.

Qarınnyń atap ótýinshe, Qyrǵyzstan Prezıdenttigine úmitker bolýy múmkin kandıdattardyń qatarynda buǵan deıin esimi elge belgili tulǵalarmen qatar jańadan shyqqan saıasatkerler de bar. 

«Qalaı desek te bul oqıǵalardyń Ortalyq Azııaǵa belgili bir deńgeıde yqpaly, áseri bolatyndyǵy sózsiz», - dedi Qarın.