Qyrǵyzstanda prezıdentti ulyqtaý rásimi qashan ótetini belgili boldy
BІShKEK. Kabar – QazAqparat – Qyrǵyzstan Ortalyq saılaý komıssııasynyń tóraıymy Nurjan Shaıldabekova prezıdentti ulyqtaý rásimi qaı merzimde ótýi múmkin ekenin aıtty, dep habarlaıdy QazAqparat Kabar agenttigine silteme jasap.
«Zań boıynsha saılaý nátıjesi daýys berilgen merzimnen keıingi 20 kún ishinde jarııalanýy tıis. Al prezıdent ınaýgýratsııasy saılaý nátıjesi jarııalanǵannan keıin bir aı ishinde ótkizilýi kerek», - dedi Nurjan Shaıldabekova brıfıng barysynda.
Onyń aıtýynsha, zańde qandaı jaǵdaıda ekinshi nemese kelesi týr ótkizilýi anyq jazylǵan. Eger saılaý nátıjesinde úmitkerlerdiń biri daýys berýshilerdiń 50 paıyzynan astamynyń daýysyn almaǵan jaǵdaıda ekinshi týr jarııalanady. Oǵan kóp daýys jınaǵan eki úmitker qatysady,
«Alaıda saılaýǵa qatysatyn saılaýshylardyń naqty sanyn anyqtaý týraly zańda talap kórsetilmegen», - dedi N.Shaıldabekova.
Eske sala ketsek, 10 qańtarda 20:41-degi jaǵdaı boıynsha, Qyrǵyzstan Prezıdentiniń kezekten tys saılaýynda kandıdat Sadyr Japarov eń kóp daýys jınady.
