Qyrǵyzstanda prezıdent saılaýy bastaldy
BІShKEK. QazAqparat - Búgin tańerteń saǵat 8-de Qyrǵyzstanda prezıdent saılaýy bastaldy, saılaý ýchaskeleri jumysqa kiristi, dep habarlaıdy QazAqparat tilshisi Qyrǵyz Respýblıkasynyń Ortalyq saılaý komısssııasyna silteme jasap.
Eldiń memlekettik tirkeý qyzmetiniń málimetinshe, Qyrǵyzstan prezıdenti saılaýyna 3 mıllıon 25 myń 768 daýys berýshi qatysa alady.
Aıta keterligi, bıýlletenderde 13 úmitker kórsetilgen, alaıda Baqyt Torobaev pen Kamchybek Tashıev saılaýǵa qatysýǵa bas tartqandyǵyna baılanysty olardyń derekteri óshirilgen jáne olarǵa daýys berilmeıdi.
Bul eldegi memleket basshysyn tańdaý úshin ótkizilgen jetinshi saılaý.
Saılaý ýchaskeleri búgin saǵat 20:00-ge deıin ashyq bolady.
Foto: kyrgyzembassy.my
