Qyrǵyzstanda prezıdent mindetterin atqarýshy aýysty
BІShKEK. KABAR – QazAqparat – Sadyr Japarovtyń kandıdatýrasynyń Qyrǵyzstan prezıdenti laýazymyna usynylýyna jáne prezıdent mindetterin atqarý ókilettiliginiń toqtatylýyna baılanysty, Konstıtýtsııaǵa sáıkes el prezıdenti mindetin atqarýshynyń ókilettikteri Jogorký Kenesh tóraǵasy Talant Mamytovqa ótti. Bul týraly QazAqparat KABAR agenttigine silteme jasap habarlaıdy.
Prezıdent apparatynyń aqparattyq saıasat bóliminiń habarlaýynsha, osy jaǵdaıǵa baılanysty Talant Mamytov el azamattaryna úndeý joldady. «Memleket basshysynyń mindetterin atqarýǵa kirise otyryp, men halyq pen memleket aldyndaǵy jeke jaýapkershiligimdi sezinemin. Prezıdenttiń mindetterin atqarýshy retinde ózimniń konstıtýtsııalyq quqyqtarym sheńberinde adamdardyń beıbit ómiri men el tutastyǵyn qorǵaý úshin qoldan kelgenniń bárin jasaıtyn bolamyn. Elimizdiń sanaly azamattary meni qoldaıdy dep senemin. Barsha otandastarymdy kedergiler men qıyndyqtardy jeńýge úles qosýǵa shaqyramyn. Óz mıssııamyzdy adal oryndaıtyndyǵymyzǵa tolyq senimdimin», - delingen prezıdent mindetin atqarýshynyń joldaýynda.
Budan buryn Sadyr Japarov el prezıdentiniń mindetterin atqarýshy ókilettigin toqtatqan edi. Bul onyń kandıdatýrasy Qyrǵyzstan prezıdentiniń laýazymyna usynylýymen baılanysty boldy.
