Qyrǵyzstanda prezıdent qyzmetine úmitkerlerdi usyný aıaqtaldy

OSK baspasóz qyzmeti habarlaǵandaı, prezıdent qyzmetine úmitker bolýǵa 83 adam ótinish bildirgen, onyń 16-sy -saıası partııalardan, 67-si - ózin ózi usynýshylar.

«Prezıdent jáne Jogorký Kenesh depýtattaryn saılaý týraly» Qyrǵyzstan Respýblıkasynyń zańyna sáıkes, prezıdenttikke úmitker saılaýshylardyń kem degende 30 myń qolyn jınaǵan, tirkelgen tulǵa bolýy múmkin. Odan bólek, OSK arnaıy shotyna 100 myń som kepil salýy, 50 mln. somnan aspaıtyn saılaý qoryn qurýy jáne memlekettik tilden emtıhan tapsyrýy mindet.

Prezıdent qaıta saılaý quqyǵynsyz 6 jyl merzimge saılanady. Memleket basshylyǵyna úmitkerdiń jasy 35-ten kem jáne 70-ten joǵary bolmaýy, Qyrǵyzstan aýmaǵynda kem degende 15 jyl turaqty turýy tıis.