Qyrǵyzstanda prezıdent Q.Bakıevti derbes quqyqtylyǵy mártebesinen aıyrýdy usynýda
ASTANA. Sáýirdiń 11-i. QazAqparat - Ýaqytsha qyrǵyz úkimeti taqtan túsken prezıdent Qurmanbek Bakıevke qatysty ustanymyn qataıtýy múmkin. Bul týraly jýrnalısterge ýaqytsha mınıstrler kabınetiniń basshysy Roza Otynbaeva habarlady. Onyń aıtýynsha, «sońǵy saǵattarda respýblıka halqy jańa ókimettiń Q.Bakıevke qatysty jumsaqtyǵyn synǵa alyp, ony sotqa tartýdy talap etýde», - dep habarlady RBK agenttigi.
R.Otynbaevanyń atap kórsetkenindeı, jańa úkimet músheleriniń keıbiri prezıdentti derbes quqyqtyǵynan aıyrýdy usynýda.
Esterińizge ala keteıik, Qyrǵyzstandaǵy tártipsizdikter 2010 jylǵy sáýirdiń 6-synda oppozıtsııanyń Halyqtyq quryltaıynyń (seziniń) qarsańynda oppozıtsııa kóshbasshylarynyń biri ustalýynan keıin bastaldy. Budan keıin tolqýlar Qyrǵyzstannyń basqa qalalarynda óris aldy, al 2010 jylǵy sáýirdiń 7-sinde el astanasy - Bishkekte oppozıtsııanyń jappaı boı kóterýi bastaldy. Ókimet oryndary qarsylasýshylarǵa kúsh qoldandy, sýyq qarýlardan oq atty. Sońǵy málimetter boıynsha, tártipsizdikter saldarynan 79 adam qazaǵa ushyrady. Qarsylasýshylar qalada ókimet oryndaryn basyp alyp, oppozıtsııa kóshbasshysy Roza Otynbaevanyń basqarýymen ýaqytsha úkimet qurdy. Qyrǵyzstan prezıdenti turǵyndary qoldaý kórsetken eldiń ońtústigine ketýge májbúr boldy. Jańa ókimet onyń eki uly - Maksım jáne Marat Bakıevterge, sondaı-aq prezıdenttiń týǵan inisi, Qyrǵyzstannyń memlekettik kúzet qyzmetin basqarǵan Janysh Bakıevke izdeý jarııalady. Tergeý tobynyń paıymdaýynsha, sáýirdiń 7-sindegi tártipsizdikter kezinde J.Bakıev kúsh qurylymdarynda oq jaýdyrýǵa buıryq bergen dep aıyptalýda.
