Qyrǵyzstanda pııaz eksportyna qoıylǵan moratorıı alynyp tastalýy múmkin

BІShKEK. QazAqparat – Qyrǵyzstanda elden pııaz áketýge salynǵan tyıymdy alyp tastaý usynylyp jatyr. Bul joba qoǵamdyq talqylaýǵa shyǵaryldy, dep habarlaıdy QazAqparattyń menshikti tilshisi.

Qujatqa sáıkes, búgingi tańda Qyrǵyzstan sharýalarynda 50 myń tonna pııaz qory bar, al halyq qajettiligi aıyna 6 myń tonna.

Moratorııdi alyp tastaý úshin, azyq-túlik qaýipsizdigin qamtamasyz etý talaptaryna sáıkes, elde osy azyq-túliktiń toqsan kúndik qory bolýy tıis.

Sonymen qatar, osy jyldyń sáýir aıynan bastap pııazdyń jańa ónimin jınaý bastalady.

Onyń qory ulǵaısa ónim tez buzylady, bul jergilikti sharýalarǵa shyǵyn ákeledi.

Osyǵan baılanysty Aýyl sharýashylyǵy mınıstrligi pııazdy Qyrǵyz Respýblıkasynan tys jerlerge áketý boıynsha shekteýlerdi alyp tastaýdy usynyp otyr.

Esterińizge sala keteıik, tyıym 2023 jyldyń 31 qańtarynan bastap úsh aı merzimge engizilgen bolatyn.