Qyrǵyzstanda pedofılge kúdikti ımam ustaldy
BІShKEK. QazAqparat - Jalalabad oblysynyń Sozaq aýdanyndaǵy meshitterdiń biriniń 58 jastaǵy ımamy búgin qylmys jasaýǵa kúdiktelip ustaldy jáne ýaqytsha oqshaýlaý abaqtysyna qamaldy. Bul týraly óńirlik ishki ister basqarmasy habarlady.
Ony ustaýǵa keshe 10 jasar bala anasynyń quqyq qorǵaý organdaryna shaǵymmen júginýi sebepshi boldy, onda jergilikti meshittiń ımamy 2006 jyly týǵan onyń ulyna jynystyq sıpattaǵy zorlyq jasaǵany habarlanǵan.
Bul fakti boıynsha sot-medıtsınalyq jáne sot-bıologııalyq saraptamalar taǵaıyndaldy, onyń nátıjesimen QR QK 130-babymen («jynystyq sıpattaǵy kúsh qoldaný») qylmystyq is qozǵaldy.Ustalǵan ımam buryn sottalmaǵan jáne otbasyly ekeni belgili boldy.
Din jolynda júrgen adamnyń ustalýy úlken qoǵamdyq jańǵyryq týǵyzdy jáne oǵan sharıǵat soty normalaryn qoldaný talap etilýde.
