Qyrǵyzstanda pedofılderdi ólim jazasyna kesý usynyldy

BІShKEK. QazAqparat - Qyrǵyzstanda balalardyń jynystyq zorlyq-zombylyqqa ushyraý faktisiniń ósýine baılanysty Qyrǵyz Konstıtýtsııasynda pedofılderge jaza retinde ólim jazasyn qarastyrý usynyldy. Tıisti zań jobasy qoǵamdyq talqylaýǵa shyǵaryldy, dep habarlaıdy QazAqparattyń menshikti tilshisi Qyrǵyz Respýblıkasy Jogorký Keneshiniń saıtyna silteme jasap.

Qyrǵyzstan ishki ister mınıstrliginiń resmı derekterine sáıkes, 2022 jyldyń 8 aıynda ǵana 14 jastaǵy kámeletke tolmaǵan balaǵa qatysty 1 kisi óltirý (zorlaý, jynystyq qumarlyqty kúshtep qanaǵattandyrý), 35 zorlaý faktisi (14 jasqa tolmaǵan balalarǵa qatysty – 15 jaǵdaı, 14-ten 18-ge deıin 20), jynystyq sıpattaǵy zorlyq-zombylyqtyń 25 jaǵdaıy (14 jasqa tolmaǵan balalarǵa qatysty – 16 fakt, 14 jastan 18 jasqa deıin-9) tirkelgen.

Asa aýyr jaǵdaılardyń kóbeıý tendentsııasy, onyń ishinde jynystyq sıpattaǵy qylmystar qoǵamdy on segiz jasqa tolmaǵan balalarǵa jynystyq zorlyq-zombylyq jasaǵandarǵa ólim jazasyn qaıtarý jóninde tereń oılanýǵa májbúr etti.

Qyrǵyz Respýblıkasy Jogorký Keneshiniń 61 depýtatynan turatyn top Qyrǵyz Respýblıkasynyń Konstıtýtsııasyna ózgeris engizý týraly bastama kóterdi.

Foto: img.huffingtonpost.com