Qyrǵyzstanda parlamenttegi oppozıtsııanyń basshysy ustaldy
ASTANA. QazAqparat - Bishkektiń «Manas» áýejaıynda qyrǵyz arnaıy qyzmetteri Qyrǵyzstan parlamentiniń «Ata Meken» oppozıtsııalyq fraktsııasynyń kóshbasshysy Omýrbek Tekebaevti ustady, dep habarlaıdy Bı-Bı-Sı agenttigi.
Qyrǵyz eliniń Ulttyq qaýipsizdik memlekettik komıtetiniń baspasóz qyzmeti habarlaǵandaı, Tekebaev 48 saǵatqa ustalǵan jáne qazir ýaqytsha ustaý abaqtysynda otyr. Omýrbek Tekebaevtyń jaqtastary jeksenbi kúni UQMK ǵımaraty aldynda saıasatkerdi bosatýdy talap etip, ereýilge shyǵýǵa nıetti.
Qyrǵyzstandyq BAQ-tyń habarlaýynsha, áýejaı ǵımaratynda Tekebaevtyń partııalastary ony ustaýǵa qarsylyq tanytty jáne birnesheýi ustaldy.
25 aqpan kúni Qyrǵyzstan bas prokýratýrasy Tekebaevqa qatysty «sybaılas jemqorlyq» jáne «alaıaqtyq» baptary boıynsha qylmystyq is qozǵady.
Іs reseılik kásipker, birqatar telekommýnıkatsııalyq kompanııalardyń ıesi Deonıd Maevskııdiń shaǵymy boıynsha qozǵaldy. Ol 2010 jyly Tekebaevtyń ýaqytsha Qyrǵyzstan úkimeti tóraǵasynyń orynbasary bola tura, Qyrǵyzstannyń iri uıaly operatory «Megakomdy» basqarýǵa ruqsat berý úshin bir mıllıon dollar para alǵanyn aıtýda.
«Óz mindetterin Tekebaev sol kúıi oryndamady al alǵan qarajatty qaıtarýdan bas tartqan», - dep málimdedi Qyrǵyzstan bas prokýratýrasynyń baspasóz qyzmeti.
Tekebaev ózine qatysty qylmystyq is qozǵalǵanda Venada EQYU Parlamenttik Assambleıasynyń sessııasynda boldy, ol jergilikti BAQ-qa bergen suhbatynda reseılik kásipkerden bir mıllıon dollar para aldy degen aıyptaýdy joqqa shyǵardy.
Foto: VALERI SHARIFULIN/TASS
