Qyrǵyzstanda parlament spıkerin saılady
BІShKEK.QazAqparat - Búgin Qyrǵyz Respýblıkasynyń Jogorký Kenesh otyrysynda daýys berý arqyly qyrǵyz parlamentiniń jańa spıkeri bolyp, QSDP fraktsııasy usynǵan koalıtsııalyq kópshilik kóshbasshysy Chynybaı Týrsýnbekov saılandy.
Esep komıssııasynyń tóraǵasy Mırlan Jeenchorovtyń («Ata Jurt» Respýblıkasy) aıtýynsha, Ch.Týrsýnbekovke 88 depýtat, Ishaq Masalıevke («Onýgýý-Progress») - 26, barlyǵyna qarsy - 3 depýtat daýys bergen.
Daýys berý qupııa túrde ótti. Týrsýnbekov Chynybaı Akýnuly Naryn oblysy Naryn aýdany Jan-Býlaq aýylynda 1960 jyly 15 qazanda týǵan. Jogoroký Keneshi 5 shaqyrtýynyń depýtaty. QSDP fraktsııasynyń kóshbasshysy. 1983 jyly Qyrǵyz memlekettik ýnıversıtetin úzdik aıaqtaǵan. Fılologııa ǵylymdarynyń kandıdaty, jýrnalıst, aqyn.
