Qyrǵyzstanda parlament saılaýynyń sońǵy qorytyndylary jarııalandy
BІShKEK. QazAqparat - Qyrǵyzstan Respýblıkasy saılaý jáne referendýmdardy ótkizý jónindegi ortalyq komıssııasy aǵymdaǵy jyldyń 4 qazanynda ótken eldiń joǵarǵy zań shyǵarýshy organy Jogorký Keneshtiń VI shaqyrylymy parlamenttik saılaýynyń sońǵy qorytyndylaryn jarııalady.
Bul qorytyndylardy búgin OSK otyrysynda komıssııa tóraǵasy Týıgýnaaly Ábdiraıymov jarııalaǵan.
Daýys berý qorytyndylary boıynsha, birinshi oryndy 432 804 daýys, 27,56 paıyz jınaǵan Qyrǵyzstan Sotsıal-demokratııalyq partııasy aldy. QSDP 38 depýtattyq mandat alyp otyr.
Ekinshi orynda - «Respýblıka - Ata Jurt» (318 266 daýys, 20,26 paıyz, 28 mandat).
Úshinshi oryndy «Qyrǵyzstan» partııasy aldy - 205 268 daýys, 13,07 paıyz, 18 mandat.
Tórtinshi jáne besinshi oryndarda sáıkesinshe «Onýgýý-Progress» - 147 515 daýys, 9,39 paıyz; 13 mandat jáne «Bır Bol» - 134 909 daýys, 8,59 paıyz, 12 mandat.
Sońǵy oryndy «Ata Meken» partııasy aldy. Ol 122 500, ıaǵnı 7,8 paıyz daýys jınap, 11 mandat aldy.
Búgin qorytyndy sessııa otyrysynyń aıasynda besinshi shaqyrylymdaǵy Jogorký Kenesh jumysynyń jabylý rásimi ótkenin atap ótý kerek.
Qyrǵyzstan Prezıdenti apparatynyń basshysy Farıd Nııazovtyń Qyrǵyzstan Prezıdenti Almazbek Atambaevtyń atynan oqyǵan úndeýinde mańyzdy sheshimder men taǵdyrsheshti zań jobalaryn qabyldaǵan besinshi shaqyrylymdaǵy Jogorký Keneshtiń tarıhı mıssııasy erekshe atap ótilgen.
