Qyrǵyzstanda parlament saılaýy qashan ótetini belgili boldy
BІShKEK. KABAR-QazAqparat – Qyrǵyz Respýblıkasynyń prezıdenti Sooronbaı Jeenbekov «Qyrǵyz Respýblıkasynyń Jogorký Kenesh depýtattarynyń saılaýyn taǵaıyndaý týraly» Jarlyqqa qol qoıdy. Bul týraly QazAqparat Kabar agenttigine silteme jasap habarlaıdy.
«Qyrǵyz Respýblıkasy Konstıtýtsııasynyń 64-baby 1-bóliginiń 1-tarmaǵyn jáne «Qyrǵyz Respýblıkasynyń Prezıdentin jáne Qyrǵyz Respýblıkasynyń Jogorký Kenesh depýtattaryn saılaý týraly» Qyrǵyz Respýblıkasy Konstıtýtsııalyq zańynyń 59-babynyń 3-bóligin basshylyqqa ala otyryp, QAÝLY ETEDІ:
Qyrǵyz Respýblıkasy Jogorký Keneshiniń jańa shaqyrylymy depýtattarynyń saılaýy 2020 jylǵy 4 qazan, jeksenbige, taǵaıyndalsyn» delingen jarlyqta.
Qyrǵyz Respýblıkasynyń saılaý jáne referendým ótkizý jónindegi ortalyq komıssııasy Qyrǵyz Respýblıkasynyń zańnamasyna sáıkes saılaý ótkizýdi uıymdastyrady.
Qyrǵyz Respýblıkasynyń Úkimeti Qyrǵyz Respýblıkasynyń saılaý jáne referendým ótkizý jónindegi Ortalyq Komıssııasy bekitken shyǵystar smetasyna sáıkes saılaý ótkizý úshin qajetti qarjy qarajatyn bóledi. Qyrǵyz Respýblıkasynyń Bas prokýratýrasy saılaýdy ázirleý men ótkizý kezinde Qyrǵyz Respýblıkasynyń Konstıtýtsııasy men zańdarynyń saqtalýyn qamtamasyz etedi.
Jergilikti memlekettik ákimder, Bishkek jáne Osh qalalarynyń merlerine, jergilikti ózin-ózi basqarý atqarýshy organdarynyń basshylary tıisti organdar men saılaý komıssııalarynyń saılaýshylar tizimin qalyptastyrý, naqtylaý, saılaýdy ázirleý men ótkizý kezinde uıymdastyrý-tehnıkalyq máselelerdi sheshý jónindegi jumysyna járdem kórsetedi.
Jarlyq resmı jarııalanǵan kúninen bastap kúshine enedi.
