Qyrǵyzstanda parlament saılaýy aıaqtaldy
BІShKEK. QazAqparat – Qyrǵyzstanda Jogorký Keneshke depýtattardy saılaý aıaqtaldy. Barlyq daýys berý ýchaskeleri jergilikti ýaqytpen saǵat 20.00-de jabyldy, dep habarlaıdy «QazAqparat» HAA menshikti tilshisi.
Daýys berý 2475 saılaý ýchaskesinde ótti, onyń 45-i – shet memleketterde ornalasqan. Barlyǵy 3 mln 523 myń 532 elektorat tirkelgen.
Jogorký Kenesh saılaýyna barlyǵy 16 saıası partııa, 1 myń 957 kandıdat tirkeldi. Olar 120 depýtattyq mandatqa úmitker.
Komıssııa daýystardy sanaýǵa kiristi. Daýys berýdiń aldyn ala málimetteri keıinirek jarııalanatyn bolady.
